تبيعه بكام؟؟؟!!!!

قصيدة عبقرية للشاعر الكبير احمد سلامه و هي قصيدة معبرة فعلا وحصل بها علي مركز ثاني علي مستوي الجمهورية

تبيعه بكام!!!!! ؟؟؟


تبيع قلبك المسكون بضل لبنت تشبهلك
رماها الليل في تكوينك
بقاله زمان
تبيع اهلك.....تبيع دينك
تبيعه بكام.....؟!
دواير سوده مشدوده
ف رقبتك طوق
يا ارض النوق منش عنتر
ولا هي كمان عبلة
حروف احلامنا اللي تشبهنا
مهش قابلة تبوس الصبح بعنيها
و تحضن شمسها القبلة
عنيه فصوص في خاتم لولي
متزين بلحمي الحي
عشانك لما تبتسمي يزيد الضي
و قلبي فتحته قدامك في عز البرد
ميت خص
و قوتي و قوتك الاحلام
ما بينا بتتقسم بالنص
تحبي نخش ف الحدوته
تحبي نخش؟
انا و انتي و تالتنا الخوف
و خوفنا اعمي
اخدتك جوه في ضلوعي
و كتبنا حروف
كتبنا حروف بلا معني
سمعنا الصبح قام مكسوف
و لم عيونه وشراعنا
يا حضن الارض يا الواسع
نسيت جواك هنا حضني
وليالي كتير
يا حضن كبير يساع الكل
يساع الذل في عروقي و يساع الليل
يا حضن شراقي و عيونك
يا حضن شراقي و عيونك
فروع النيل